Insurreccion zapatista
| |
---|---|
![]() | |
Informacions generalas | |
Data | 1èr - 12 de genier de 1994 |
Luòc | Chiapas |
Casus belli | Insureccion de l'EZLN après l'adopcion de l'acòrd de l'ALENA per Mexic |
Cambiaments territorials | Fondacion dei Territòris Zapatistas Autonòms |
Eissida | Acòrds de San Andrés |
Belligerants | |
![]() |
![]() |
Fòrças en preséncia | |
30 000-40 000 | 3 000 |
Pèrdas | |
3 mòrts | 51 mòrts |
Nòtas | |
45 civius tuats |
L'Insurreccion zapatista (sonada en espanhòl: Conflicto de Chiapas) se debanèt dau 1èr au 12 de genier de 1994 entre l'Armada Zapatista de Liberacion Nacionala (EZLN) e l'armada mexicana. Foguèt deguda a la crisi sociala e economica dei populacions indigenas dau sud de Mexic qu'èran menaçadas de pauretat après la signatura de l'acòrd fondant l'ALENA per lo govèrn mexican. Ben organizada e entraïnada, l'EZLN capitèt de conquistar divèrsei vilas dau sud de Mexic, comprés San Cristóbal de las Casas (200 000 abitants). Suspresa, l'armada mexicana mandèt una contraofensiva lo 3 de genier e reconquistèt lei vilas perdudas. Pasmens, la guerilha capitèt de se retirar dins de zonas d'accès malaisat de la region de Lacandon. Lo 14 de genier de 1994, un alta-au-fuòc foguèt signat e l'EZLN gardèt lo contraròtle dei zonas encara ocupadas. Un acòrd politic foguèt signat en 1995, especialament per assegurar lei drechs deis indigèns e lo desvolopament economic dau sud, entre lei dos camps mai son aplicacion demora complexa e leis escaramochas entre fòrças mexicanas e EZLN son pas rars.
© MMXXIII Rich X Search. We shall prevail. All rights reserved. Rich X Search